मेची रोयो काली रोयो
मेची रोयो काली रोयो बनपाखा रोयो !
निरिह यी नेपालीको निर्दोष आँखा रोयो !!
कति सुनाउ रुदै सधै कृष्णभिरको कथा !
चारै तिर आतंक र पिरै पिरको कथा !!
खुड़ा अनि खुकुरीको बिरगाथा रोयो !
निरिह यी नेपालीको निर्दोष आँखा रोयो !!
शान्ति रोप्यो भने पनि बम र बारुद फल्छ !
चारैतिर आतंक को हावा मात्र चल्छ !!
बम बारुदको आतंकले हाम्रो भाका रोयो !
निरिह यी नेपालीको निर्दोष आँखा रोयो !!
(२७ असोज २०६० मा लेखिएको यो रचना )
Comments
Post a Comment