छानी लान्छु भन्छ मोरो (गजल)
मिसिएर हिडदा पनि छानी लान्छु भन्छ मोरो !
दोबाटोमा भेटे भने तानी लान्छु भन्छ मोरो !!
के देखेछ त्यस्तो कुन्नि मेरो रुप रंग भित्र !
नजरको गोली मलाई हानी लान्छु भन्छ मोरो !!
तिमी मेरी रानी भन्दै बाटो मेरो छेक्न खोज्छ !
सजाएर डोली भित्र बानी लान्छु भन्छ मोरो !!
जति गालि गरे पनि मुस्काएर टारी दिन्छ !
गालि लाइनै मिठोमाया ठानी लान्छु भन्छ मोरो !!
Comments
Post a Comment